जेष्ठ नागरीक संघाला आता त्यांची हक्काची जागा मिळाली आहे. चंद्रमा ’आय’ च्या तळमजल्याशी नवीन जागा श्री. डी एस कुलकर्णी यांनी उपलब्ध करुन दिली. आज या त्यांच्या जागेत अनेक कार्यक्रम होवु लागले आहेत. नव्या नव्या उपक्रमांचे बेत आखले जात आहेत.
श्री. शशिकांत पाचवडकर - अध्यक्ष, अविनाश भालेराव - सचिव, श्रीकांत साळवेकर - उपाध्यक्ष, भुजंग कुलकर्णी - कोषाध्यक्ष, क्रांतीसिंग आठवले या संस्थेच्या पदाधिकाऱ्यांच्या हाती जेष्ठ नागरीक संघाचे कार्य अगदी जोरात , जोमाने सुरु आहे.
"गुलमोहर" या जेष्ठांनी जेष्ठांसाठी चालवलेल्या जेष्ठांच्या मासीक पत्रिकेत आपले मनोगत लिहीतांना श्री अविनाश भालेराव लिहीतात " आपल्या, संघातील सभासदांच्या विचारमंथनातून सामाजीक प्रश्नांची, जेष्ठांच्या समस्येची उकल होण्यासाठी चालना मिळेल, चर्चा घडतील. जेष्ठ नागरीक संघ म्हणेजे थीक टॅंक असे म्हटले जाते हा थीक टॅंक खऱ्या अर्थाने कार्यान्वित होईल, पण हे सारे घडावे कसे ? त्यासाठी पहिली गोष्ट म्हणेजे आपण एकत्र आले पाहीजे. ही संधी आपल्याला मासिक बैठकीच्या निमित्याने मिळते"
या महिन्यातील मासीक बैठकीचा विषय होता " महाभारतातील प्रसंग " वक्ते श्री. भा.पु. टिळक. त्यांनी आपल्या भाषणात अनेक प्रसंग खुलवुन सांगीतले.
नेहमी प्रमाणॆ आधी ओळखपत्रांचे वितरण करण्यात आले त्यच प्रमाणे या महिन्यात ज्यांचे वाढदिवस होते त्यांचे अभीष्टचिंतन करण्यात आले.
जेष्ठ नागरीक संघानी ६ जुलै रोजी साधु वासवानी मिशनच्या के.के. आय इन्स्टीट्यूटच्या सहाकार्याने "नेत्रतपासणी शिबीर आयोजीत करण्याचे ठरविले आहे.
मध्यवर्ती जेष्ठ नागरीक संघ्टना, पूणे, या पुणे शहरातील जेष्ठ नागरीक संघाच्या संघटनेशी यांनी संलग्नता घेतली आहे. या संस्थेमार्फत पुणे शहरात अनेक उपक्रम, कार्यक्रम, चर्चासत्रे, स्पर्धा आयोजीत केल्या जातात, तसेच "प्रज्योत" ही माशीक पत्रिका प्रकाशीत केली जाते. या सर्वाचा लाभ आता विश्व मधील सभासदांना मिळु शकेल.
आपली हक्काची जागा तर यांना मिळालीच पण अजुनही त्यांना अडीअडचणीचा सामना करावा लागतोय. खर म्हणाजे आयुष्यभरची लढाई लढल्यानंतर जेष्ठांना आता सर्वकाही विनासायास ,सुरळीत मिळायला पाहीजे. पण नाही. तसे होत नाही. यांना अजुनही आपल्या हक्काच्या जागेत मुलभुत गरजा मिळवण्यापासुन ही वंचीत ठेवले जाते. अजुनही या जागेत त्यांना वीजपुरवठा मिळालेला नाही. झारीतील शुक्राचार्य अनेक असतात. आतातरी त्यांना अडवणुक करु नये.
जेष्ठ नागरीक संघाला माझ्या शुभेच्छा.
No comments:
Post a Comment